मुख्य संपादक राजु एन शंभरकर
सत्यशोधक न्यूज़ महाराष्ट्र
मो.न.9511673435
चंद्रपूर
महाराष्ट्र शासनाने होमिओपॅथिक डॉक्टरांना CCMP (Certificate Course in Modern Pharmacology) पूर्ण केल्यानंतर महाराष्ट्र मेडिकल कौन्सिलमध्ये नोंदणी देण्याबाबत काढलेल्या 05/09/2025 च्या परिपत्रकाच्या विरोधात आज गुरुवार, 18 सप्टेंबर रोजी चंद्रपूर जिल्ह्यातील सर्व खाजगी हॉस्पिटल व दवाखाने तसेच शासकीय आरोग्यसेवा 24 तास बंद ठेवण्यात आली.
हा बंद 100% यशस्वी ठरला असून इंडियन मेडिकल असोसिएशन – चंद्रपूर शाखा तसेच महाराष्ट्र असोसिएशन ऑफ रेसिडेंट डॉक्टर्स (MARD) तर्फे राज्यव्यापी आंदोलन करण्यात आले.
आंदोलनाचे मुख्य मुद्दे :
- शैक्षणिक असमानता – MBBS हा 5.5 वर्षांचा सखोल अभ्यासक्रम असून CCMP हा केवळ 1 वर्षाचा कोर्स आहे.
- रुग्ण सुरक्षिततेवर गंभीर धोका – अपुरे प्रशिक्षणामुळे चुकीचे निदान व उपचार होऊ शकतात.
- दुहेरी प्रणालीचा गोंधळ – MMC ही फक्त MBBS डॉक्टरांसाठी असताना CCMP डॉक्टरांना परवानगी दिल्यास गोंधळ वाढेल.
- कायदेशीर मुद्दा – राष्ट्रीय वैद्यकीय आयोगाच्या नियमानुसार आधुनिक औषधोपचार केवळ MBBS डॉक्टरांसाठीच परवान्याने मर्यादित आहेत.
- आंतरराष्ट्रीय दर्जावर परिणाम – महाराष्ट्रातील आरोग्यसेवेची विश्वासार्हता कमी होण्याची शक्यता.
- भविष्यातील दुष्परिणाम – या निर्णयामुळे इतर पद्धतीच्या डॉक्टरांकडून अशा मागण्या वाढण्याचा धोका.
CCMP डॉक्टरांना महाराष्ट्र मेडिकल कौन्सिलमध्ये नोंदणी देण्याचा निर्णय तात्काळ रद्द करावा.
नागरिकांच्या सुरक्षिततेसाठी आधुनिक वैद्यकीय परवाना केवळ MBBS डॉक्टरांनाच द्यावा.
दिनांक 05/09/2025 चे शासन परिपत्रक त्वरित मागे घेण्यात यावे.
इंडियन मेडिकल असोसिएशन – चंद्रपूर व MARD चंद्रपूर यांनी रुग्णांना झालेल्या गैरसोयीबद्दल दिलगिरी व्यक्त करत, शासनाने या संदर्भात तातडीने योग्य निर्णय घेण्याचे जाहीर आवाहन केले आहे.
✍️ डॉ. मंगेश गुलवाडे
उपाध्यक्ष, इंडियन मेडिकल असोसिएशन महाराष्ट्र राज्य (2013-14)
✍️ डॉ. संजय घाटे
उपाध्यक्ष, इंडियन मेडिकल असोसिएशन महाराष्ट्र राज्य (2025-26)
✍️ डॉ. रितेश दीक्षित – अध्यक्ष
✍️ डॉ. सुश्रुत भुकते – सचिव
✍️ डॉ. राहुल सैनानी – खजिनदार
इंडियन मेडिकल असोसिएशन, चंद्रपूर
✍️ डॉ. फुरहान अहमद – अध्यक्ष
✍️ डॉ. नम्रता यादव – उपाध्यक्ष
✍️ डॉ. देवाशिष घुगे – उपाध्यक्ष
✍️ डॉ. संजय रिनायत – सचिव
✍️ डॉ. अश्विनी तुंबडे – सचिव
महाराष्ट्र असोसिएशन ऑफ रेसिडेंट डॉक्टर्स
शासकीय वैद्यकीय महाविद्यालय, चंद्रपूर
